Хүн төрлөхтөн өөрсдийн амьдрах таатай орчиныг бүрдүүлэхийн тулд өдөр тутамдаа асар их хэмжээний энерги , дулааныг ашиглан эргээд асар их хэмжээний хорт хийг ялгаруулж байдаг. Эдгээр хий нь хуримтлагдсаар агаар мандал нүдэнд үл үзэгдэх нэгэн давхарга үүсгэж байгаа нь дэлхийг яг л хүлэмжтэй адил болгож байгаа тул тус хийн нэгдлийг хүлэмжийн хий гэж олон улсад нэрлэж байгаа юм. Тус давхарга нь дэлхий дээр тусах нарны тусгалыг халхалснаар байгалийн жам ёсны цикл алдагдаж улмаар байгалийн тэнцвэрт байдал үгүй болж дэлхийн дулаарал бий болоод байгаа юм. Хүлэмжийн хийг байгалийн болон үйлдвэрийн гаралтай хүлэмжийн хий гэх бөгөөд байгалийн гаралтайд нь нүүрсхүчлийн хий (CO2), азотын дутуу исэл (N2O), Метан (СН4) ордог. Харин үйлдвэрлэлийн явцад үүссэн хүлэмжийн хий нь перфторт нүүрстөрөгчүүд(PFCs), гексафторт хүхэр(SF6), ус фторт нүүрстөрөгч(HFCs) юм. Эдгээр нь хөдөө аж ахуй, мал амьтан, хүн болон үйлдвэрлэл, тээвэрлэлт, нүүрс, нефть, бензин, эрчим хүчний хэрэглээ, автомашин зэрэг олон хүчин зүйлээс хамаардаг.

Хүлэмжийн хий ялгаруулатын 6%-ийг барилга байгууламж, 14%-ийг машин техник тээвэрлэл, 21%-ийг аж үйлдвэрлэл, 26%-ийг эрчим хүч дулааны цахилгаан станц, 24%-ийг газар тариалан, ХАА, үлдсэн хувь нь бусад хүчин зүйлсээс хамааралтай байна. Монгол улсын хувьд 2016 оны 9 сард Парисын хэлэлцээрт нэгдсэн бөгөөд Хүлэмжийн хийн ялгарлыг 2030 он гэхэд 14%-аар бууруулах зорилт тавьжээ. Тус ажилд урьдчилсан байдлаар нийт 3,5 тэрбум ам.доллар зарцуулна гэсэн тооцоолол гарсан байна. Манай орны хувьд хүлэмжийн хийг хамгийн ихээр ялгаруулж буй салбар нь дэлхий нийттэй нэгэн адил эрчим хүчний салбар юм. Цахилгаан дулааны станцууд бүгд түүхий нүүрсийг үйл ажиллагаандаа ашигладаг, хүн амын 70 гаруй хувь амьдардаг гэр хорооллын айлууд бараг бүгд түлшээр дулаанаа шийддэг зэргээс хамаарч агаарын бохирдлын хэмжээгээрээ дэлхийд тэргүүлэх улсуудын эхний 5-д жагсаж байгаа юм. Тиймээс Монгол улс хүлэмжийн хийг эрчимтэй бууруулах цахилгаан,эрчим хүчний эх үүсвэрээ сэргээгдэх эрчим хүч /ус, нар, салхи/-ээр нөхөж эхлээд байна.